Tuesday, September 18, 2007

സങ്കീര്‍ണം



കെന്റ്ക്കി ഫ്രൈഡ് ചിക്കന്‍ തിന്നുമ്പൊഴെല്ലാം പി. പി. രാമചന്ദ്രന്റെ മനോഹരമായ ലളിതം എന്ന മഹാകാവ്യം ഓര്‍ക്കും.

ഇവിടെയുണ്ടു ഞാ
നെന്നറിയിക്കുവാന്‍
മധുരമാമൊരു
കൂവല്‍ മാത്രം മതി.

ഇവിടെയുണ്ടായി-
രുന്നു ഞാനെന്നതി-
ന്നൊരു വെറും തൂവല്‍
താഴെയിട്ടാല്‍ മതി.

ഇനിയുമുണ്ടാകു-
മെന്നതിന്‍ സാക്ഷ്യമായ്‌
അടയിരുന്നതിന്‍
ചൂടുമാത്രം മതി.

ഇതിലുമേറെ
ലളിതമായ് എങ്ങനെ
കിളികളാവി-
ഷ്കരിക്കുന്നു ജീവനെ?

പുതിയ പട്ടുപാവാടയുടെ മേല്‍ ഉപയോഗിച്ച സാനിട്ടറി നാ‍പ്കിന്‍ എറിയുന്ന പോലൊരു പാരഡി ഉണ്ടാക്കിയിട്ടുണ്ട് ഞാന്‍. രാമചന്ദ്രനോട് ക്ഷമാപണത്തോടെ -

അവിടെയുണ്ടു നീയെന്നറിയുക്കുവാന്‍
*മലിനമോം ലെറ്റിനായ് കൊത്തുകൂടുന്ന
സഹജരൊത്തുള്ള ശബ്ദഘോഷം മതി.

അവിടെയുണ്ടാകുമെന്നുറപ്പിക്കുവാന്‍
‘ഒരു കിലോ വില’ ബോര്‍ഡുമാത്രം മതി.

അവിടെയുണ്ടായിരുന്നുവെന്നോര്‍ക്കുവാന്‍
വിരല്‍ മണക്കുന്നൊരേമ്പക്കവും മതി.

ലളിതമാകേണ്ട ജീവനെ വീടിന്റെ
ചതുരസങ്കീര്‍ണകത്തിലാക്കുന്നു നാം.

*ഒരിക്കല്‍ മണ്ണെണ്ണ വീണ് മലിനമായ ഓം ലെറ്റ് പുറത്തേയ്ക്കിറിഞ്ഞപ്പോള്‍ അത് തിന്നാന്‍ വേണ്ടി കൊത്തുകൂടിയ അയല്വക്കത്തെ ഡൊമസ്റ്റിക്കേറ്റഡ് കിളികളുടെ ഓര്‍മ്മയ്ക്ക്

5 comments:

ശ്രീ said...

നന്നായിരിക്കുന്നു, വരികള്‍‌!
:)

സുല്‍ |Sul said...

:)

സഹയാത്രികന്‍ said...

:)

Areekkodan | അരീക്കോടന്‍ said...

:):(

SHAN ALPY said...

നമുക്കു മറക്കതിരിക്കുക
വീണ്ടും വ്രതശുദ്ധിയുടെ നാളുകള്
നേരുന്നു നന്മകള്...

Related Posts with Thumbnails